Este vindeiro sábado día 8 e ata o 28 deste mes de xuño, a EMAE levará a cabo as súas exhibicións de fin de curso, un total de cinco estreas que porán en escena os cinco grupos matriculados na escola e que servirán para pechar o curso lectivo 2018-2019.

Serán os Grupos Infantil 1 e 2 os encargados de erguer o pano esta fin de semana cunha exhibición de danza-teatro. O sábado, a partir das 20.00 h, no Teatro Principal, porán en escena, respectivamente, A máquina do tempo e Mito vs. Tecno. Dous espectáculos dirixidos polas profesoras Paula Quintas e Akira Valero e interpretados polos nenos Noa Romero, Lía Rey, Alessandra Illobre, Xiana Otero, Lucas Taboada, Helena Miranda, Clara Rey, Estela Riera, Violeta Núñez, Aldara Mato, Marta Correa, Inés López, Catalina Álvarez, Santiago Loureiro, Lía Vázquez, Uxía Vilariño, Andrés Díaz, Marcela Torrado, Alma Diéguez, Paula López, Paula Puente, Hugo Ríos, Mariana Torrado, Roi Álvarez, Sara Núñez,  Clara González,  Cristian Conti, Carla Penide, Borja Gorís, Lara Rey, Antía Campos, Miguel Basteiro, Carlota Picáns e Nerea Campos, todos con idades comprendidas entre os 7 e os 12 anos.

Tomará o relevo o domingo 16 de xuño ás 21.00 h, o Grupo de Adultos coa peza de Valle-Inclán, A rosa de papel e, posteriormente, os Grupos Xuvenís 2 e 1 porán en escena Pim pam pum, o día 26 de xuño ás 19.00 h, e Grita!, o día 28 ás 20.00 h, respectivamente. Todas as exhibicións con entrada de balde.

 

 

 

Despois da estrea en Callobre hai sete días, a data elixida para presentar na Estrada os Contiños da Terra de D. Manuel García Barros. Unha peza escrita e dirixida por Santi Cortegoso na que participaron Chelo do Rejo, Fran Campos e Gonzalo Valcárcel e o acordeonista Juan Ruibal. Tras tres meses de ensaios, a unidade de produción da Escola Municipal de Artes Escénicas puido por fin estrear un espectáculo que gozou do beneplácito dun teatro ateigado de espectadores. Unha proposta que aúna drama e comedia e que homenaxea á memoria e aos nosos maiores. Noraboa Santi, noraboa Chelo, noraboa Fran e Gonzalo! Grazas por emocionarnos e sentirnos orgullosos desta nosa benquerida escola de teatro!

 

 

 

 

(12-04-2019) Resultados finais do concurso-oposición do proceso selectivo para a provisión dos postos de traballo de mestras/es para impartir os módulos formativos das especialidades da programación AFD 2018-19 IFCT0309 MONTAXE E REPARACIÓN DE SISTEMAS MICROINFORMÁTICOS (2018/002863).

 

 

 

 

(12-04-2019) Resultados finais do concurso-oposición do proceso selectivo para a provisión dos postos de traballo de mestras/es para impartir os módulos formativos das especialidades da programación AFD 2018-19 ADGG0408 OPERACIÓNS AUXILIARES DE SERVIZOS ADMINISTRATIVOS E XERAIS (2018/002961).

 

 

 

 

(01/04/2019) Listado definitivo da convocatoria para a provisión dos postos de traballo de mestras/es (persoal laboral temporal) necesarios para impartir os módulos formativos das especialidades da programación AFD ADGG0408 OPERACIÓNS AUXILIARES DE SERVIZOS ADMINISTRATIVOS E XERAIS 2018/002961 polo procedemento de concurso-oposición.Convocatoria para as probas de selección